УИХ-ын Тамгын Газар, НҮБ-ын хөгжлийн хөтөлбөр хамтран Швейцарын хөгжлийн агентлагийн дэмжлэгтэйгээр хэрэгжүүлж буй “Нутгийн өөрөө удирдах байгууллагын чадавхийг бэхжүүлэх нь” төслийн хүрээнд “ИТХ-ын төлөөлөгчийн манлайлал” үндэсний сургалтын анхдугаар сургалтыг өнгөрөгч онд аймаг, сумдын ИТХ-ын төлөөлөгчдөд хийсэн билээ.
         Энэхүү сургалтын үргэлжлэл II сургалтыг 2015 оны 06 сарын 22-ноос 26-ны өдрүүдэд Алтай хотод аймаг сумдын ИТХ-ын Тэргүүлэгч, Тэргүүлэгчдийн нарийн бичгийн дарга нарт зохион байгуулсан бөгөөд сургалтын нээлтэнд Монгол Улсын Их Хурлын дарга З.Энхболд, УИХ-ын Тамгын газрын Ерөнхий нарийн бичгийн дарга Б.Болдбаатар, УИХ-ын гишүүн Ц.Дашдорж болон албаны бусад хүмүүс оролцож мэндчилгээ дэвшүүлсэн юм.