Аймгийн багш нарын бага хурал 2017 оны 08 дугаар сарын 25-ны өдөр Ардын дуу бүжгийн "Алтай" чуулгад зохион байгуулагдлаа. Тус хурлыг нээж УИХ-ын гишүүн, Хууль зүйн байнгын хорооны дарга Ш.Раднаасэд, ИТХ-ын дарга Т.Ганзориг, Аймгийн Засаг дарга С.Гансэлэм нар үг хэлэв. Хурлаар аймгийн Засаг даргын үйл ажиллагааны хөтөлбөрт туссан боловсролын салбарын асуудал, 2017-2018 оны хичээлийн жилд дэвшүүлсэн зорилт, СӨБ-ын Цөм хөтөлбөрийн үр дүн, цаашид анхаарах асуудлын талаар хэлэлцэв. Аймгийн ИТХ-аас хэлэлцэн баталсан "Багшийн хөгжил", "Оюунлаг-Алтай", "Сургалтын чанарыг ахиулах" зэрэг хөтөлбөрийн агуулга, хүрэх үр дүнгийн талаар хэлэлцлээ.